Balvu Centrālā bibliotēka

Tirgus ielā 7, Balvi
Darbdienās: 10.00-18.00
Sestdiena: 9.00- 15.00
jūnijā, jūlijā, augustā sestdienās nestrādā
Svētdiena- brīvdiena
Katra mēneša pēdējā piektdiena- spodrības diena

Ontons Slišāns, Latvijas Rakstnīku Savīnības bīdris, Škilbānu pogosta Upītes bibliotekas vadeituojs


DESMITGADE MIKEĻA BUKŠA PĪMIŅAI DZIMTINĒ
Ontons Slišāns, Latvijas Rakstnīku Savīnības bīdris, Škilbānu pogosta Upītes bibliotekas vadeituojs



Šūbreid, kod piec Latgolys zynuotnīka Mikeļa Bukša nuovis ir paguojuši 25 godi, kod kotrys var breivi laseit Mikeļa Bukša zynuotniskūs pietejumus, izzynuot juo patīseibys puorlīcynūšū atkluosmi par vysa latgalisko vierteibu pasauļa tautu kulturviesturē, grybu izceļt vīnu dūmu: “Cik to dziļi i vysaptverūši mes izmontojam Mikeļa Bukša davumu i juo pīminis naaizstuojameibu ņi ar kū cytu, sovys latgaliskuos pašvierteibys apsazynuošonā…”.

Nuj, vai mes asam apsazynuovuši tū, ka Mikeļa Bukša pīmiņa ir myusu taisnīs mugarkauļs, myusu osīs pruots, myusu nabiegšona pošīm nu sevis, myusu bārnu patureišona iz latgaliskuos byutīnis ceļa…

Kaids ir Mikeļa Bukša pīminis uztureišonys guojums dzimtinē? Mikeļa Bukša pīmiņa patīsā gūdā teik calta tik ar 1992.godi, kod piec Latvejis vaļsts naatkareibys atjaunuošonys 1991.goda, Latvejā PSRS reglamentejūši nūteikumi i aizlīgumi vairuok nabeja spākā asūši.

A patīseibā, Mikeļa Bukša vuordu i juo pīmini Latgolā atgrīze 1989.godā Janīna Bukšs – ar sovu pyrmū īsarosšonūs Rēzeknē i pyrmū Mikeļa Bukša gruomotu pīvadumu Latgolys Kulturviesturis muzejam i daudzīm Latgolys kulturys i izgleiteibys darbinīkīm.

Aplīcynuot tū, ka Mikeļa Bukša pīmiņa ir vysaptverūša vysā Latgolā, navaru i nadreikstu, jo tys tai nav. Ar gandariejumu var aplicynuot tik vīņu: augstuos školys Daugavpilī i Rēzeknē sovus studentus vuica pieteit Mikeļa Bukša zynuotniskūs dorbus.

Mineišu godu seceibā Mikeļa Bukša pīminis pasuokumus. Teik izveiduotys muzejūs kolekcejis par Mikeli Bukšu:

· 1989.godā Latgolys Kulturviesturis muzejā Rēzeknē,

· 1990.godā Bolvu nūvoda muzejā Bolvūs,

· 1994.godā Balkanu muzejā Šjilbanu pogostā,

· 1997.godā Baltinovas pogosta muzejā Baltinovā,

· 1999.godā Upītes Kulturviesturis muzejā Škilbanu pogosta Upītē.

Mikeļa Bukša pīminis pasuokumi:

· 1990.goda 1.septembrī Rēzeknē, Školuotuoju instituta duorzā atkluoj tieļnīka B. Buļa granitā koltū Mikeļam Bukšam veļteitū pīminekli “Klusuo kūkle”,

· 1992.godā Bolvu nūvoda muzejs izdūd 8 lpp. bīzu bukletu par Mikeli Bukšu,

· 1992.goda 31.maijā Škilbanu pogosta Plešovā teik atkluota piec muokslinīka P. Gleizdāna meta muokslinīkam J. Čiževskam sarynuotuo pīminis pluoksne Mikeļam Bukšam,

· 1993.goda 1.junī pīmiņas pasuokums pi Mikeļa Bukša pīminis pluoksnis Škilbanu pogosta Plešovā,

· 1993.goda augusts. Latgolys Kulturviesturis muzeja darbinīki, Bolvu nūvoda muzeja darbinīki, Bolvu rajona Kulturys nūdalis vadeituoja R. Cibule un Janīna Bukšs apceļoj ar Mikeļa Bukša vuordu saisteituos vītys Latgolā,

· 1993.goda 21.augustā atceris pasuokums Mikeļam Bukšam Škilbanu pogosta Plešovā pi Mikeļa Bukša pīminis pluoksnis,

· 1994.goda 1.junī pīminis pasuokums pi Mikeļa Bukša piminis pluoksnis Škilbanu pogosta Plešovā,

· 1995.goda 1.junī pīminis pasuokums pi Mikeļa Bukša pīminis pluoksnis Plešovā,

· 1996.goda 1.junī pīminis pasuokums pi Mikeļa Bukša pīminis pluoksnis Plešovā,

· 1997.goda 1.junī pīminis pasuokums pi Mikeļa Bukša pīminis pluoknis Plešovā,

· 1997.goda 9.junī Mikeļa Bukša atceris pasuokums Latgolys Kulturviesturis muzejā Rēzeknē,

· 1997.goda junī Janīna Bukšs ar Latgolā pazeistamīm muzeju, muokslys, kulturys, literaturys, izgleiteibys i pašvaļdeibu darbinīkīm apceļoj Latgolu, stuosteidama par Mikeli Bukšu,

· 1998.goda 1.junī pīminis pasuokums pi Mikeļa Bukša pīminis pluoksnis Škilbanu pogosta Plešovā,

· 1999.goda 1.junī svātbreids pi Mikeļa Bukša pīminis pluoksnis Plešovā,

· 2000.goda 1.junī Mikeļa Bukša lasiejumi pi Mikeļa Bukša pīminis pluoksnis Plešovā,

· 2001.goda 1.junī Latgaļu volūdys stuņde pi Mikeļa Bukša pīminis pluoknes Plešovā,

· 2001.goda 2.augustā Latvejis tautys biblioteku 7.nūvodpietneiceibys koņfereņcis “Nūvodpietneiceiba – tylts nu paguotnis iz nuokūtni” daleibnīku sveceišu vokars – pīminis breid pi Mikeļa Bukša pīminis pluoksnis Plešovā,

· 2002.goda 20.majā Rēzeknes Augstškolas Humanitrūs i juridiskūs zynuotņu fakuļtatē vydusškolom radūšūs puorbaudis dorbu par Mikeli Bukšu nūslāguma pasuokums,

· 2002.goda 1.junī Radūšūs saceriejumu, literaturkritisku eseju, zynuotnisku pietiejumu par Mikeli Bukšu i juo gruomotuom konkursa nūslāguma pasuokums pi Mikeļa Bukša pīminis pluoksnis Plešovā ar Mikeļa Bukša bierneibys skotu dramatiziejumu “Pedeleiša pasauļs”,

· 2002.goda 11.augustā tautysdzīsmu i atmiņu pusstuņde kūpā ar Mikeļa Bukša meitu Ireni un veiru Nilu pi pīminis pluoksnis Plešovā,

· 2002.goda 11.augustā Mikeļa Bukša pīminis pasuokums Baltibovas pogosta muzejā,

· 2002.goda 28.septembrī Zynuotniski – praktiskuo koņfereņce “Mikelis Bukšs – zynuotnīks, viesturnīks, volūdnīks…?!” Bolcu rajona centralajā bibliotekā Bolvūs.


ONTONS SLIŠĀNS


MIKEĻA BUKŠA PIEMIŅAS BRĪDĪ PLEŠOVĀ


BALTA DŪMAKA CEĻAS

NO AUGSTASILA SENĀS LATGAĻU APMETNES

NO PORSKOVAS LATGAĻU PILSKALNA

NO LIELCEĻA, KAS PASAULĒ VED

UN PASAULI ATVED ŠURP –

PIE MIKEĻA BUKŠA PIEMIŅAS:

AR BALTU SĒTU,

BALTAJIEM CERIŅIEM,

BALTO STĀRĶU PERĒKLI,

BALTĀM LILIJĀM

UN BALTU TAUTASDZIESMU

UPĪTES BĒRNU SVĒTKU PRIEKĀ

BALTAJĀ VALODĀ,

KAS VĒL JOPROJĀM IR DZĪVA…

2001

 
   
 
Vietne izmanto sīkdatnes!
Balvu centrālās bibliotēkas tīmekļa vietnē tiek izmantotas mūsu un trešo pušu sīkdatnes (angļu valodā „cookies”), lai nodrošinātu tās darbību un palīdzētu uzlabot vietnes lietošanas pieredzi un kvalitāti. Lai uzzinātu vairāk par mūsu sīkdatņu politiku, lūdzam noklikšķināt uz pogas “Vairāk informācijas”.
Jūs varat piekrist visām sīkdatnēm, noklikšķinot uz pogas “Piekrītu” vai noraidīt, noklikšķinot uz pogas “Nepiekrītu”. Ja tīmekļa vietnes lietotājs noklikšķina uz pogas “Nepiekrītu”, tīmekļa vietnē saglabājas tehniskās sīkdatnes, kuras ir nepieciešamas, lai nodrošinātu tīmekļa vietnes darbību un kuru izmantošanai nav nepieciešams iegūt lietotāja piekrišanu.